Xəbərlər

Samuxda ümumtəhsil məktəblərinin 8-10-cu sinif şagirdləri arasında “Şəhərsalma və Memarlıq İli”nə həsr olunmuş intellektual məktəb çempionatı keçirilib.

Samux rayon təhsil sektorunun və Elm və Təhsil İşçiləri Həmkarlar İttifaqı Samux Rayon Komitəsinin birgə təşkilatçılığı ilə təhsilalanların intellektual va yaradıcı inkişafına geniş miqyasda dəstək verilməsi, asudə vaxtlarının səmərəli təşkilinin təmin olunması məqsədilə ümumtəhsil məktəblərinin 8-10-cu sinif şagirdləri arasında “Şəhərsalma və Memarlıq İli”nə həsr olunmuş intellektual məktəb çempionatı keçirilmişdir.

Yarışda qalib komanda üzvləri medal və diplomlarla təltif olunmuşdur.

1 İyun – Uşaqların Beynəlxalq Müdafiəsi Gününə həsr olunmuş tədbir keçirilib.

Gəncə-Daşkəsən Regional Təhsil İdarəsinin və Elm və Təhsil İşçiləri Həmkarlar İttifaqı Gəncə şəhər, Samux və Goranboy Rayon Komitələrinin birgə tğşkilatçılığı ilə1 İyun – Uşaqların Beynəlxalq Müdafiəsi Gününə həsr olunmuş tədbir keçirilib.

Əvvəlcə Azərbaycan Respublikasının Dövlət Himni səsləndirilib, Vətənimizin ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad olunub.

Tədbirdə çıxış edənlər uşaqları bayram münasibətilə təbrik edərək onların xoşbəxt, sağlam və vətənpərvər ruhda böyümələrinin vacibliyini qeyd edib, uşaqların rifahının yüksəldilməsi istiqamətində həyata keçirilən tədbirlərdən danışıb.

Daha sonra uşaqların iştirakı ilə rəngarəng musiqi və rəqs nömrələri təqdim olunub.

Sonda balaca iştirakçılara müxtəlif hədiyyələr təqdim olunub

Yenikənd kənd və Salahlı kənd ümumtəhsil məktəblərinin kollektivi üçün gəzinti-istirahət turu təşkil edilib.

Həmkarlar İttifaqı Komitəsinin təşkilatçılığı iləYenikənd kənd və Salahlı kənd ümumtəhsil məktəblərinin kollekti üçün Azərbaycanın dilbər guşələrindən biri olan Gədəbəy və Qəbələ rayonuna gəzinti-istirahət turu təşkil olunmuşdur.

​Turun təşkil edilməsində əsas məqsəd gərgin və məsuliyyətli tədris ili ərzində çalışan müəllimlərin və texniki heyətin asudə vaxtını səmərəli keçirmək, kollektiv daxilində birlik, mehribanlıq və komanda ruhunu daha da gücləndirməkdir.

​Gəzinti zamanı kollektiv üzvləri rayonun füsunkar təbiətini seyr etmiş, rayonun tarixi və gəzməli yerləri ilə tanış olmuşlar. Təbiət qoynunda, xoş və səmimi ab-havada keçən istirahət günü müəllimlərə gərgin iş rejimindən ayrılaraq yüksək enerji və motivasiya toplamaq imkanı vermişdir.

​Məktəbin kollektivi asudə vaxtın bu cür maraqlı və yaddaqalan təşkilinə görə Həmkarlar İttifaqı rəhbərliyinə öz dərin təşəkkürünü bildirmişdir.

Həmkarlar ittifaqı üzvləri üçün gəzinti-istirahət turu təşkil olunub.

Samux rayonu Qarayeri qəsəbə 2 nömrəli tam orta məktəbin pedaqoji və texniki heyəti üçün Həmkarlar İttifaqı Komitəsinin təşkilatçılığı ilə gəzinti-istirahət turu təşkil edilmişdir.

​Tədbirin keçirilməsində əsas məqsəd kollektivin gərgin tədris ilindən sonra asudə vaxtının səmərəli təşkil olunması, müəllimlərin iş motivasiyasının yüksəldilməsi və iş yoldaşları arasındakı səmimi münasibətlərin, komanda ruhunun daha da möhkəmləndirilməsidir.

Samuxda 1 İyun – Uşaqların Beynəlxalq Müdafiəsi Gününə həsr olunmuş tədbir keçirilib.

1 iyun – Uşaqların Beynəlxalq Müdafiəsi Günü münasibətilə Samuxda Samux rayon təhsil sektorunun və ETİHİ Samux Rayon Komitəsinin təşkilatçılığı ilə genişmiqyaslı bayram tədbiri keçirilmişdir. Tədbirin əsas məqsədi uşaqlara sevinc bəxş etmək, onların istedad və bacarıqlarını nümayiş etdirmək, eləcə də cəmiyyətin diqqətini uşaq hüquqlarının qorunmasına yönəltmək olmuşdur.

​Tədbirdə Samux rayon təhsil sektorunun müdiri, Elm və Təhsil İşçiləri Həmkarlar İttifaqı Samux Rayon Komitəsinin sədri, bağça müdirləri, müəllimlər, valideynlər və qonaqlar iştirak ediblər. Giriş sözü ilə çıxış edənlər uşaqları bayram münasibətilə təbrik edərək, onlara xoşbəxt gələcək, dərslərində uğurlar arzulayıblar. Dövlətimizin uşaqlara göstərdiyi diqqət və qayğıdan, onlara yaradılan geniş imkanlardan bəhs olunub.

​Bədii hissədə uşaqların ifasında bir-birindən rəngarəng rəqs nömrələri, şeirlər və musiqi sədaları səsləndirilib, daha sonra Gəncə Dövlət Kukla Teatrının aktyorlarının əyələncəli tamaşaları nümayiş olunub. Nümayiş olunan səhnəciklər və yaradıcılıq nümunələri iştirakçılar tərəfindən böyük maraq və alqışlarla qarşılanıb. Tədbirin sonunda uşaqlara bayram hədiyyələri təqdim olunub və xatirə şəkilləri çəkdirilib.

Müsabiqə qalibləri və onların müəllimləri mükafatlandırılıb.

Ümummilli Lider Heydər Əliyevin anadan olmasının 103-cü ildönümünə həsr olunmuş “Ən yaxşı təqdimat” müsabiqəsinin yarımfinal mərhələsinin qaliblərinin, “Zəkaların mübarizəsi” olimpiadasının yarımfinal mərhələsinin qaliblərinin, “Heydər Əliyev irsi” adlı bilik yarışının zona üzrə qaliblərinin, “Sabahın alimləri” layihə müsabiqəsinin qaliblərinin və “Mən fəxr edirəm ki, azərbaycanlıyam” III Beynəlxalq folklor, rəqs və yaradıcılıq festivalının qaliblərinin və onların müəllimlərinin mükafatlandırılması məqsədilə tədbir keçirilib.

​Tədbirdə çıxış edən Samux rayonu üzrə təhsil sektorunun müdiri və Elm və Təhsil İşçiləri Həmkarlar İttifaqı Samux Rayon Komitəsinin sədri müsabiqə və olimpiada hərəkatının gənclərin potensialının üzə çıxarılmasındakı rolunu vurğulayıb, xüsusi istedadı ilə seçilən şagirdlərin ölkəmizin elmi gələcəyi olduğunu qeyd ediblər. Bildirilib ki, bu uğurun arxasında şagirdlərin sonsuz əzmi ilə yanaşı, onlara doğru yol göstərən, gecəsini gündüzünə qatan müəllimlərin böyük əməyi dayanır.

​Daha sonra qalib olan şagirdlərə və onların hazırlıq prosesində müstəsna xidmətləri olan müəllimlərə fəxri fərmanlar və qiymətli hədiyyələr təqdim olunub.

Samuxda Ulu Öndər Heydər Əliyevin anadan olmasının 103-cü ildönümünə həsr olunmuş tədbir keçirilib.

Samux rayon Heydər Əliyev Mərkəzində baş tutan tədbirdə Samux Rayon İcra Hakimiyyətinin başçısı, Samux rayonu üzrə təhsil sektorunun müdiri, Elm və Təhsil İşçiləri Həmkarlar İttifaqı Samux Rayon Komitəsinin sədri, məktəb direktorları və digər təhsil işçiləri iştirak ediblər.

Tədbir iştirakçıları Ümummilli lider Heydər Əliyevin abidəsini ziyarət edib, önünə gül dəstələri düzərək Ulu Öndərə hörmət və ehtiramlarını bildiriblər.

Tədbirdən öncə Ümummilli Lider Heydər Əliyevin və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib və Azərbaycan Respublikasının Dövlət Himni səsləndirilib. Ardınca Ümummilli Liderin həyat və fəaliyyətini əks etdirən sənədli film nümayiş etdirilib.

Sonda Ümummilli Lider Heydər Əliyevin anadan olmasının 103-cü ildönümü münasibətilə məktəblilər arasında keçirilən inşa və rəsm müsabiqələrinin qalibləri sertifikat və hədiyyələrlə mükafatlandırılıblar.

28 aprel-Ümumdünya Əməyin Mühafizəsi Günü münasibətilə keçirilən maarifləndirmə tədbirləri yekunlaşdı.

Elm və Təhsil İşçiləri Həmkarlar İttifaqı Samux Rayon Komitəsinin təşkilatçılığı ilə üzv təşkilatlarda "28 aprel-Ümumdünya Əməyin Mühafizəsi Günü" münasibətilə "Sağlam psixososial iş mühitinin yardaılmasını təmin edək!" devizi altında keçirilən silsilə tədbirlər yekunlaşdı. Tədbirlər çərçivəsində müəssisələrin ilk həmkarlar təşkilatı və müəssisə rəhbərləri işçilərlə görüşlər keçirib, sağlam iş mühitinin yardaılmasının təmin edilməsi vurğulanıb.

Samux rayonunda pedaqoji fəaliyyəti ilə seçilən təhsil işçisinin yubileyi qeyd olunub.

17 aprel tarixində Samux rayon Alıuşağı kənd tam orta məktəbində mənalı və yadda qalan tədbir keçirilib. Tədbir məktəbin həmkarlar ittifaqı üzvü, təcrübəli pedaqoq Rəfiqə Süleymanovanın 65 illik yubileyinə həsr olunub.

​Tədbirdə çıxış edənlər Rəfiqə xanımın uzunillik səmərəli fəaliyyətindən, gənc nəslin yetişməsindəki xidmətlərindən və kollektiv arasındakı nüfuzundan bəhs ediblər. Bildirilib ki, onun pedaqoji fəaliyyəti gənc müəllimlər üçün bir örnəkdir. Yubilyar xoş sözlərə və diqqətə görə kollektivə və həmkarlar təşkilatına öz minnətdarlığını bildirib.

Respublika Fənn Olimpiadalarının final mərhələsinə vəsiqə qazanan şagirdlərlə və onların müəllimləri ilə görüş keçirilib.

Elm və Təhsil İşçiləri Həmkarlar İttifaqı Samux Rayon Komitəsinin və Samux rayonu üzrə təhsil sektorunun birgə təşkilatçılığı ilə Respublika Fənn Olimpiadalarının yarımfinal mərhələsinin qalibləri və onların müəllimləri ilə görüş keçirilib.

Görüş zamanı ümumi təhsil müəssisələrinin VIII–XI sinif şagirdlərinin iştirak etdiyi Respublika Fənn Olimpiadalarının yarımfinal mərhələsində tarix, fizika və Azərbaycan dili fənni üzrə I yerə layiq görülmüş Samux Rayon H.Məmmədov adına Qaraağaclı qəsəbə tam orta məktəbin IX sinif şagirdi Nəsibli Nurlan Orxan oğlu, S.Əliyev adına Samux şəhər 2 nömrəli tam orta məktəbin VIII sinif şagirdi Hüseynova Nuray Yalçın qızı və Samux rayon İnstitut qəsəbə tam orta məktəbin X sinif şagirdi İsmayılova Aynur Elvin qızı, eyni zamanda hər 3 şagirdin müəllimləri ETİHİ Samux Rayon Komitəsi tərəfindən qiymətli hədiyyələrlə mükafatlandırılmışdır.

Şagirdlərimizə növbəti mərhələdə, müəllimlərimizə isə peşə fəaliyyətlərində uğurlar arzu edirik.

Samux rayon ümumi təhsil müəssisələrində "28 aprel-Ümumdünya Əməyin Mühafizəsi Günü"nə həsr olunmuş silsilə tədbirlər davam edir..

Elm və Təhsil İşçiləri Həmkarlar İttifaqı Samux Rayon Komitəsinin təşkilatçılığı ilə üzv təşkilatlarda- Qarayeri qəsəbə 1 nömrəli məktəb-liseydə, Qarayeri qəsəbə 2 nömrəli tam orta məktəbdə, Qədili kənd ümumi orta məktəbdə, Füzuli kənd ümumi orta məktəbdə, Yuxarı Ağasıbəyli kənd tam orta məktəbdə və Zazalı kənd tam orta məktəbdə "28 aprel-Ümumdünya Əməyin Mühafizəsi Günü"nə həsr olunmuş tədbirlər keçirilib.

Tədbirdə istehsalatda bədbəxt hadisələrin qarşısının alınması və sağlam iş şəraitinin yaradılmasının təmin edilməsi barədə geniş məlumatlar verilib.

Məktəblərdə bu mövzuda keçirilən tədbirlərin əsas məqsədi gənc nəsildə "öncə təhlükəsizlik" prinsipi formalaşdırır ki, bu da onların gələcək fəaliyyətində peşə xəstəliklərinin, xəsarətlərin minimuma enməsinə və sağlam iş mühitinin yaradılmasına xidmət edir.

Samuxda "Əməyin mühafizəsi-həyatın mühafizəsidir" mövzusunda maarifləndirici tədbir keçirilib.

Elm və Təhsil İşçiləri Həmkarlar İttifaqı Samux Rayon Komitəsinin üzv təşkilatı olan H.Zərdabi adına Çobanabdallı kənd tam orta məktəbində işəgötürən və ilk həmkarlar təşkilatının birgə təşkilatçılığı ilə "Sağlam psixososial iş mühitinin yaradılmasını təmin edək" mövzusunda seminar-müşavirə keçirilib. Tədbir zamanı tərəflər arasında imzalanmış Kollektiv Müqavilənin bəndlərinə uyğun olaraq texniki təhlükəsizlik, profilaktiv tədbirlər və sağlam mənəvi-psixoloji iş mühitinin formalaşdırılması məsələləri müzakirə edilib.

Tədbirin sonunda işçiləri maraqlandıran suallar cavablandırılb və bu cür birgə təşəbbüslərin məktəbdə iş səmərəliliyinin artmasına xidmət etdiyi vurğulanıb.